Әлемдік дағдарыс ықпалына қарамастан Қазақстан Республикасы «Қазақстан-2050» стратегиясын орындау барысында көптеген жетістіктерге жетуде. Қол жеткізілген жетістіктер арасынан білім беру үдерісін жоғарғы деңгейге көтеру үшін қолайлы жағдайлар жасау, ғылым мен білімді өндіріспен ұштастыру, отандық өндірісті дамыту шараларын атап өтуге болады.

Бүгінде білім беру бағдарламаларын дамыту үдерісі Қазақстан Республикасы Президентінің жолдауы – «Қазақстан-2050», «Ұлт жоспары – 100 нақты қадам», «Нұрлы жол», «Цифрлық Қазақстан», сонымен қатар индустриялық-инновациялық дамудың мемлекеттік бағдарламалары аясында белсенді түрде жүргізіліп отыр. Мемлекет басшысының ірі стратегиялық бастамаларын іске асыру алдыңғы қатарлы жоғарғы оқу орындарының инженерлік-техникалық салалар бойынша ағылшын тілінде сапалы және бәсекеге қабілетті білім беру бағдарламаларын дайындауына түрткі болды.

Қазақстан Республикасының Білім және ғылым министрлігінің тапсырысымен әл-Фараби атындағы Қазақ ұлттық университеті шетелдік алдыңғы қатарлы жоғарғы оқу орындарының профессорларымен, сонымен қатар индустрия өкілдері – ҚР ірі кәсіпорындарының қызметкерлерімен біріге отырып, ҚР жоғарғы оқу орындарында жүзеге асыру үшін ағылшын тілінде төмендегідей білім беру бағдарламалары жасалды.

2018 жылы:

2017 жылы:

2016 жылы:

Білім беру бағдарламаларын әзірлеуге атақты ғалымдар, Нобель сыйлығының лауреаттары, шет мемлекеттер мен Қазақстанның ірі кәсіпорындарының өкілдері ат салысты. Шетелдік қызметкерлер АҚШ, Ұлыбритания, Франция, Германия, Испания, Италия, Жапония, Оңтүстік Корея, Сингапур, Ресей, Қытай, Канада және әлемнің басқа да елдерінен шақыртылды. Оқу бағдарламаларын әзірлеушілер үшін ең бастысы білім беру бағдарламаларының сапасына қойылатын халықаралық талаптарды сақтауға, кредиттік оқыту жүйесімен сәйкестігіне, отандық білім беру стандарттарының талаптарын ескере отырып, еуропалық білім беру стандарттарына сәйкестігіне басымдылық беру болып табылады. Білім беру бағдарламаларының мазмұны ғылымдағы, техникадағы және технологиядағы соңғы әлемдік тенденцияларды ескере отырып әзірленген түбегейлі жаңа пәндерден тұрады.