«Әл-Фараби атындағы ҚазҰУ» КеАҚ жоғары кәсіптік және жоғары оқу орнынан кейінгі білім беруді дамытудағы инновациялық орталық болып табылады, ұлттық және жалпыадамзаттық құндылықтар, ғылым мен практика жетістіктері негізінде бәсекеге қабілетті тұлғаның қалыптасуы мен кәсіби қалыптасуын қамтамасыз етеді.

Университеттің негізгі мақсаты білім алушылардың сапалы кәсіби білім алуы үшін қажетті жағдайларды қамтамасыз ету болып табылады.

Қазіргі уақытта «Әл-Фараби атындағы ҚазҰУ» КеАҚ бакалавриаттың 131 білім беру бағдарламасы бойынша мамандар даярлауды жүзеге асырады.

Оқу үдерісі барлық оқытушылар мен студенттерді қамтыған «UNIVER» корпоративтік жүйесімен жүзеге асырылады, ол оқу үдерісінің барлық сатыларында параметрлердің көптігін күнделікті бақылауды қамтамасыз етеді және білім алушылардың оқуға деген ынтасының, олардың үлгерімі мен болашақ жұмыс орнында білімді іс жүзінде қолдануға қызығушылығының өсуіне ықпал етеді.

Университеттік тіркеуші кеңсесі жұмыс істейді, бұл жеке траектория бойынша оқытудың әлемдік тәжірибесіне сәйкес келеді. Білім алушыларды оқу пәндеріне онлайн тіркеу «UNIVER» жүйесінде тіркеуші кеңсесі мен эдвайзерлердің кеңестері көмегімен жүргізіледі.

 2020 жылы QS жаһандық рейтингінің нәтижелері бойынша   «Әл-Фараби атындағы ҚазҰУ» КеАҚ  әлемнің үздік жоғары оқу орындарының тізімінде 150-орынға ие болды. ТМД елдерінен бұл топқа тек М.Ломоносов атындағы ММУ мен «Әл-Фараби атындағы ҚазҰУ» КеАҚ  кірді.

«Әл-Фараби атындағы ҚазҰУ» КеАҚ  әлемдік ғылыми-білім беру кеңістігіндегі жоғары деңгейге сәйкестігін растады және әлі де жетілдірілуде.